Студенттік жылдар әр адамның өміріндегі ең есте қаларлық керемет кездер болып табылады. Бұл алаңсыз көңіл-күй, еңбекқорлық және болашақ мамандығыңның алғашқы қадамдарын игеретін кез. Осыған орай 2020 жылғы 18 қарашада М.Қозыбаев атындағы СҚУ, «Мектепке дейінгі оқыту және тәрбиелеу» және «Бастауыш оқытудың педагогикасы мен әдістемесі» мамандығының студенттерімен “Студенттік өміріміз қалай өтуде?” тақырыбында ашық алаң өтті. Ашық алаңға аталған мамандықтың студенттері және «Бастауыш және мектепке дейінгі білім берудің теориясы мен әдістемесі» кафедрасының оқытушылары қатысып, студенттік өмірдің қызықты сәттерімен ой бөлісті.
«Студенттік өміріміз қалай өтуде?» ашық алаңы Zoom платформасында өткізілді. Іс-шара барасында студенттерді құттықтау көрсетілімі ұйымдастырылды, «Оңай емес жауаптар тақтасы» интерактивті ойыны ұйымдастырылды. Студенттер студенттік өмірдегі қызықты және әзіл әңгімелерімен бөлісіп, сұхбатты қолдап, белсенділік танытты. Студенттер көтеріңкі көңіл-күй және жақсы әсер алғандарын ерекше атап өтті.
Студенттер күнімен құттықтай отырып, нәтижелі оқу және жарқын студенттік өмір тілейміз!
