17.07.2013 Қазан қаласында 27-ші жазғы Әлемдік Универсиада аяқталды, Қазақстан құрамасы 19 орын алды. Біз құрамада университетіміздің студенттері болғанына мақтаныш етеміз.
Қазақн қаласында өткен жарыста Қазақстан құрамасы алған үш алтын жүлденің біреуі М. Қозыбаев атындағы СҚМУ студенті, 800 метр қашықтыққа жүгіру чемпионы Мукашева Маргаритаға тиесілі. Ол Универсиадада өз рекордын орнатты. Оның суреті ресми сайыс газет беттерінің көркін келтірді.
Универсиаданың тағы бір қатысушысы – Екатерина Эктова. Ол «Үштік секіру» сайысында соңғы мәреде ондыққа кірсе де жүлделі орын үшін күресе алмады. Ол үлкендер арасындағы спортта бір жыл ғана, сонымен қатар өте қатты және тәжірибелі қарсыластар болған. Юнирлер жарысында бірнеше рет Қазақстанның жүлдегері, әлем Кубогында 4 орынды иеленді.
Сонымен қатар семсерлесу сайысында елімізді М. Қозыбаев атындағы СҚМУ студенті Виталий Гладков орынды ұсына білді.
2013 жылғы Әлемдік Универсиадада барлығы 6 солтүстікқазақстандық сайысқа түсті.
