1-желтоқсан Қазақстанның шежіресінде үлкен мәнге ие. Қазақ елін сындарлы жолмен болашаққа айқын бастап келе жатқан Елбасымыз Нұрсұлтан Назарбаевтың құрметіне тойланатын — Тұңғыш Президент күні біз үшін өте қадірлі мереке. Осыған орай оқу ордамызда ток-шоу форматындағы «Қазақстан Республикасының Тұңғыш Президенті – ұлт көшбасшысы» атты онлайн-форум ұйымдастырылды. Іс-шараға қатысқан спикерлер оқытушылар мен студенттерді атаулы мерекемен құттықтады. Олардың арасында Қазақстан Республикасының Тұңғыш Президенті- Нұрсұлтан Назарбаевпен жүздескен оқытушылар мен студенттер қатары бар екен.
Н. Назарбаевпен кездесуден алған әсерлері туралы Басқарма Төрағасының - ректордың м.а Ербол Исақаев айтып берді. Ол Елбасының еліміздің өркендеуіне, оның Тәуелсіздігінің қалыптасуына, экономиканың өсуіне, қазақстандық қоғамдағы бейбітшілік пен тұрақтылыққа қосқан зор үлесін атап өтті.
Сондай-ақ, мемлекет Басшысының біздің оқу ордамызға сапарының жарқын естеліктерімен "Шет тілдері" кафедрасыныңмеңгерушісі Ирина Олькова бөлісті. 2017 жылы Нұрсұлтан Назарбаевтың "Болашаққа бағдар: рухани жаңғыру" бағдарламалық мақаласы жарық көрді. Бұл басылымда автор қоғамның және әрбір қазақстандықтың санасын жаңғыртудың негізгі бағыттарын атап көрсетті: бәсекеге қабілеттілік; прагматизм; ұлттық бірегейлікті сақтау; білімге табыну; мемлекеттің эволюциялық дамуы. Содан кейін бұл жобалар республикалық бағдарламаға біріктірілді. Бұл туралы студенттерге "Рухани Жаңғыру" әлеуметтік-гуманитарлық зерттеулер институтының директоры Зәуре Картова мәлімдеді.
"Sanaly urpaq" жобалау кеңсесінің комплаенс академ офицері Богдан Петровқа 2017 жылы 22 қарашада елбасымен кездесу бұйырыпты. Жарқын сәттерді басынан кешірген ол, кездесуді асыға күткенін айтты. Дәл осы күн оның ұмытылмас сәттерінің біріне айналды.
Бұл мерекенің тойлануының өзіндік ұлтқа берер қазығы мол. Осы мереке арқылы жас ұрпақ Тәуелсіз Қазақстанның тарихын танып, оның ел болып қалыптасу жолында аянбай еңбек еткенін тұлғалардың есімдерін жадында сақтауына үлесін қосады. Дегенмен қаншалықты қиын қыстау заманды өткерген Қазақстан елі үшін бұл биікке өрлеудің негізгі жолы болмақ. Елбасымыздың арқасында тәуелсіз әрі бейбіт елдің ақ таңын аттырып, әлем таныған мемлекетке айналдық. Бұл орайда біздің негізгі мақсатымыз қол жеткізген жетістіктерімізді асырып, одан да биіктен асқақтатуға ұмтылу болмақ.
