ҚР Тұңғыш Президенті Н.Назарбаевтың қазақстандық қоғам өмірінің түрлі салаларында көптеген бастамалары бар. Оның бірі- ашылған Назарбаев университетінің биыл 10 жылдық мерейтойы. ҚР Тұңғыш Президенті күнін мерекелеу аясында «Қазақстан халқы Ассамблеясы» кафедрасының бастамасымен Nazarbaev University түлектері мен Қозыбаев университетінің студенттік активінің- студенттік ректорат, жастар ісі жөніндегі комитет мен еріктілердің кәсіподақ комитетімен бейресми онлайн-кездесуі өтті.
Әңгіме тақырыбы– Nazarbaev University студенттік өзін-өзі басқару жүйесін және оны Қозыбаев университетінде тарату мүмкіндігін талқылау болды.
Кездесуге қатысушылардың бірі - Адиль Кусаманов. Ол «Математика» мамандығы бойынша Nazarbaev University бакалавриат түлегі, «Математикалық модельдеу» мамандығы бойынша University of Oxford (Ұлыбритания) магистратура түлегі, ҚР Президенті жанындағы әлеуметтік-экономикалық реформаларды талдау және мониторинг орталығы сараптамалық-талдау тобының консультанты, Рустам Бекишев- «Математика» мамандығы бойынша Nazarbaev University бакалавриат түлегі және «Статистикалық анализ» мамандығы бойынша «King Abdullah University of Science and Technology (Сауд Арабиясы) магистратура түлегі, AERC (қолданбалы экономиканы зерттеу орталығы) компаниясының аға талдаушысы. Ал Яков Воронков- «Саясаттану және халықаралық қатынастар» мамандығы бойынша Nazarbaev University бакалавриат түлегі, Академиялық адалдық Лигасы хатшылығының және М.С. Нәрікбаев атындағы КАЗГЮУ Университетінің академиялық және зерттеу кеңесінің басшысы.
Қонақтар өздерінің оқуы, студенттік өзін-өзі басқаруға қатысуы және Nazarbaev University түлектері қауымдастығындағы қызметі туралы айтып берді. Олар студенттердің академиялық қызметке, магистратураға түсуге, ағылшын тілін үйренуге қатысты сұрақтарына жауап берді.
Nazarbaev University түлектерінің пікірінше, әр адамның кәсібилігі мектепте, ЖОО- да алынған базалық білімге, содан кейін-өмір бойы үздіксіз өздігінен білім алуға деген ынтасымен негізделеді.
Nazarbaev University мен шетелдік жоғары оқу орындарында көп мәдениетті ортада оқу, олардың пікірінше, басқа елдер мен халықтардың заңдарына, әдет-ғұрыптары мен дәстүрлеріне толеранттылықпен және құрметпен қарауға мүмкіндік береді.
Олар Nazarbaev University- бұл академиялық адалдықтың, еңбексүйгіштіктің, әділдіктің, өзіне және басқа адамдарға қойылатын талаптардың жоғары деңгейін қалыптастыру мектебі деп санайды.
2017 жылдан бастап Nazarbaev University стратегиясына сәйкес Nazarbaev University тәжірибесін еліміздің басқа университеттеріне тарату бойынша кеңсе құрылды. Бұл кездесу Nazarbaev University студенттік өзін-өзі басқару қызметінің үздік тәжірибелерін таныстыруға және оларды Қозыбаев университетіне енгізуге, академиялық адалдықты, білімге табынуды, транспаренттілік пен коммуникативтілікті дамытуға бағытталған.
