Мемлекет Басшысы Қасым-Жомарт Тоқаев «Саяси қуғын – сүргін құрбандарын толық оңалту жөніндегі мемлекеттік комиссия туралы» Жарлыққа қол қойды, оның құрамына Президент Әкімшілігі мен Үкімет өкілдері, ҚР Парламенті Сенаты мен Мәжілісінің депутаттары, мүдделі мемлекеттік органдардың басшылары, қоғамдық ұйымдардың өкілдері мен еліміздің ғалымдары кірді. Мемлекеттік комиссия құрамына Kozybayev University «Қазақстан халқы Ассамблеясы» кафедрасының меңгерушісі Людмила Гривенная, т.ғ.к., доцент кірді.
ҚР Мемлекеттік хатшысы Қырымбек Көшербаевтың төрағалығымен Мемлекеттік комиссияның бірінші отырысы өтті. Мемлекеттік комиссияның басты міндеті – кеңестік кезеңдегі саяси қуғын-сүргін құрбандарының барлық санаттарына қатысты тарихи әділеттілікті қалпына келтіру. Отырыс барысында мемлекеттік комиссияның міндеттері мен қызметін ұйымдастыру, оның 2020-2021 жылдарға арналған жұмыс жоспары, қуғын-сүргін құрбандарының әртүрлі санаттарын оңалту жөніндегі қызметті әдіснамалық қамтамасыз ету мәселелері, қуғын-сүргіндердің әртүрлі санаттарын оңалту бағыттарын пысықтау үшін арнайы жұмыс топтарын құру қаралды.
Әрине, құзыретті комиссияның қызметі осы тақырыпқа қатысты барлық жинақталған проблемалар мен даулы мәселелерді шешуді қамтамасыз етуі тиіс, бұл осы бағыттағы әрі қарайғы жұмыс үшін негіз болады және қоғамдық сананы жаңғырту процесін тереңдетуге ықпал ететін болады.
www.kazinform.kz сайтынан соңғы сурет
