ҚР жоғары оқу орындарының ҚХА кафедралары қауымдастығының Х кеңейтілген отырысында осы бөлімшелердің меңгерушілері мен қызметкерлері үшін ағымдағы оқу жылы ішінде тұрақты жұмыс істейтін "Этносаралық қатынастар саласын ғылыми сүйемелдеу және әдістемелік қамтамасыз ету: Қазақстан халқы Ассамблеясы кафедраларының қызметіндегі жаңа тәсілдер" атты вебинарды түрлі алаңдарда өткізу туралы шешім қабылданды.
Вебинар жұмысын Қозыбаев университетінің Қазақстан халқы ассамблеясы кафедрасы бастады. Іс-шара "ҚР жоғары оқу орындарының оқу-білім беру процесіне Қазақстан Республикасының этносаясатының императивтерін енгізу жолдары мен тетіктері" өзекті тақырыбы бойынша университетіміздің ПҚБАИ базасында онлайн өтті. Бағдарламаны жасаушы: Людмила Гривенная "Қазақстан халқы Ассамблеясы" кафедрасының меңгерушісі.
Вебинардың мақсаты- тыңдаушыларды ҚР жоғары оқу орындарының оқу-білім беру процесіне элективті оқу пәндерін, факультативтік курстар мен лекторийлерді әзірлеуге және енгізуге дайындау.
Республикалық вебинар жұмысына Қозыбаев университетінің Басқарма Төрағасының– Ректордың м.а. Ербол Исақаев қатысты. Спикерлер мен белсенді қатысушылар: Наталья Калашникова- ҚР ЖОО ҚХА кафедралары қауымдастығының төрайымы, Олег Синяков- СҚО әкімдігі ішкі саясат басқармасының қоғамдық даму және ақпарат орталығының сарапшысы, ҚХА кафедраларының меңгерушілері және Ш.Есенов атындағы Каспий мемлекеттік университетінің, С. Аманжолов атындағы ШҚУ қызметкерлері және оқу ордамыздың қызметкерлері қатысты.
Тыңдармандар ретінде Нұр-Сұлтан, Ақтөбе, Қарағанды, Өскемен, Ақтау, Атырау, Көкшетау, Алматы, Павлодар, Қызылорда қалаларынан келген әріптестер болды.
Олардың назарына элективті оқу пәндері және интерактивті білім беру лекториялары ұсынылды: "Мәңгілік Ел құндылықтары", "Қазақтану", "Халықтану", "Қазақстанның діндері мен этностары: тарих және қазіргі заман", "Қазіргі әлемдегі этносаяси процестер", "қоғамға қызмет ету", "қоғамдық сананы жаңғырту".
Сонымен қатар, ҚХА кафедралары енгізген пәндерді оқыту әдістемесін жетілдіру мақсатында "Практикалық қызметте заманауи ғылыми-қолданбалы әдістерді қолдану" тақырыбында воркшоп өткізілді.
Вебинар соңында барлық қатысушыларға Қозыбаев университетінің қайта даярлау және біліктілікті арттыру институтының сертификат – куәліктері берілді. Қорытындысы бойынша әдістемелік құралды электронды форматта әзірлеу және басып шығару жоспарланған.
