Kozybayev University магистранттарының құрамасы Л.Гумилев атындағы ЕҰУ-де өткен "Үздік инновациялық start-up жоба" халықаралық байқауында екінші орынға ие болды. Оған Ресей, Қырғызстан және Қазақстанның түрлі жоғары оқу орындарынан 30-ға жуық құрама қатысты.
Біздің оқу ордамызда "Экономика" және "Мемлекеттік әкімшілік" білім беру бағдарламалары бойынша білім алушылар Даниил Дитюк, Малика Биболова және Жәмила Арықова бүгінгі күні өзекті тақырып – ескірген тұрғын үй қорының бөлігін инновациялық құрылымдарға ауыстыру бойынша өз жобаларын ұсынды.
Студенттер үйлердің төбесіне күн батареяларын орнату бойынша стартап әзірледі. Бұл электр энергиясын үнемдеуге, ЖЭО жүктемесін азайтуға, атмосфераға зиянды заттардың шығарылуын азайтуға мүмкіндік береді. Осының барлығы еліміздің кез келген қаласында "Жасыл экономиканың" дамуына серпін бере алады. Қазылар алқасы нақты есептеулерді, қызықты слайдтар мен спикерлердің сөздерін атап өтті.
Осының барлығы Kozybayev University магистранттарына байқауда "күміс жүлде" алуға мүмкіндік берді. Біздің студенттерді және олардың жетекшісі "Экономика және есеп" кафедрасының аға оқытушысы Д. О. Әбутәліпті құттықтаймыз!