Бүгінде жас дарындарға берілетін мүмкіндіктер еліміздің, әлемдегі үздік университеттердің білім беру деңгейімен қатарласып, дамуына елеулі үлес қосуда. Соның дәлелі ретінде Қозыбаев университетінің озат білімгерлер қатарын айтпасқа болмас.
Студенттер білім ордамызды тағы бір жақсы жаңалықтарымен қуантты. "Экономика" ББ кәсіпкерлік негіздері пәні бойынша кафедра онкүндігі аясында Л.Гумилев атындағы ЕҰУ-де Республикалық пәндік олимпиада өткізілді.
Жүйріктерді біріктірген сайысқа 40-тан астам қатысушы бақ сынасты. Университетіміздің атынан Э-17 тобының Айтуллин Тимур, Волков Дима, Ефименко Юрий қатысуға мүмкіндік алды.
Бірінші кезең эссе жазуды қамтыса, екінші кезең тестілеуден өту болатын. Қатысушылардың бірі Ефименко Юрий 100-ден 92 ұпай жинап, 3-ші орынға табан тіреді. Бұл керемет нәтиже. Елімізде алдағы ұзақ мерзімді дамудағы басым бағыттардың бірі – білім мен ғылымды дамыту болмақ.