Бүгін Қазақстанда Волонтер жылының жабылу рәсімі өтті. Республика деңгейінде онлайн форматта өткен салтанатты шараға ҚР Президенті Қасым-Жомарт Тоқаев қатысты. Еріктілер жылының ресми жабылу рәсімі "Birgemiz" республикалық Фронт-офисінде ұйымдастырылды. Жиын барысында барлық өңірлердің әкімдері ең үздік волонтерлерды марапаттады.
Президенттің айтуынша, бұл жыл біздің елімізде ғана емес, бүкіл әлем тарихында аса күрделі кезеңдердің бірі болғанына қарамастан, "қайырымды істер" жалпыұлттық идеясы он мыңдаған қазақстандықтың қайырымдылығы мен жанашырлығының арқасында өмір шындығына айналды.
Біздің облыстың және Қозыбаев университеті атынан оқу ордамыздың магистрі Богдан Петров қатысты. Ол «Taza júrek: от чистого сердца» экологиялық жобасының авторы. Богданның бастамасымен биыл «7 күн – 7 экоәдет» деп аталатын экологиялық реалити-шоу түсіріле бастады. Жоба аясында қатысушылар суды және электроэнергияны үнемдеуге, қоқысты сұрыптауға, жалпы, табиғатпен үйлесімділікте өмір сүруге үйренеді. Оған қоса ол волонтерлермен бірге Петропавлдың ластанған жерлерін анықтады. Сонымен қатар, Богдан қалада қолданыста болған маскаларды жинауға арналған қоқыс жәшіктерін қойды. Қоршаған ортаны қорғауға үндейтін арнаулы тақтайшаларды орнатты.
Бұл эко-жобаның арқасында экомәдениетті насихаттайтын адамдар саны артты. Бұл пікірлер Мемлекет басшысының сөзінде қолдау тапты.
Айта кетейік, биылғы жылы волонтерлік қызметке 100 мыңнан астам адам ат салысты. Біздің ЖОО-да оған 600-ге жуық білім алушылар мен оқытушылар қатысты.
