Бүгін біздің еліміз үшін айрықша мереке, ерекше мейрам. Қазақстан елі о бастан ешкімге тәуелді болмаған. Жеңіс елдіктің жолында батыр, ержүрек ұл-қыздарының арқасында келді. 2020 жыл еліміз үшін тосын оқиғаларға толы болса да, биыл тәуелсіздігіміз 29 жылдығымен қуантпақ. Тәуелсіз,унитарлы ел болғалы халқымыздың еңсесі асқақтап, тұғыры биіктеді.
Айтулы мерекеге орай, университетімізде білім беру саласындағы қызметкерлерді елеулі жетістіктері және белсенді еңбек қызметі үшін марапаттау шарасы ұйымдастырылды. Атаулы іс-шарада Басқарма Төрағасы- ректорының міндетін атқарушы Ербол Исақаев ең алдымен барша университет қауымын тәуелсіздік күнімен құттықтады. Сонымен қатар, елдің болашағы үшін ұстаз мамандығының қаншалықты маңызды рөл атқаратындығын да тілге тиек етті.
Оқу ордамыздың қызметкерлер қатарына құрмет көрсетіп, үздіктерін марапаттау дәстүрге айналған. Биыл да аталған дәстүр үзілмей, марапаттау шарасы жоғары деңгейде өткізілуде. Білім ордамыздың оқытушылар құрамы мен бірқатар қызметкерлер алғыс хаттармен қоса, ерекше марапаттарға да ие болды. Салтанатты рәсім барлық санитарлық нормаларды сақтай отырып өтті.
Бұл мереке біздің мемлекетіміздің еркіндігінің символы болып саналады. Аз ғана тарихи кезеңде халқымыз ата-бабаларымыздың мұрасын сақтай отырып, демократиялық және құқықтық мемлекет құра алды. Біздің жерімізде халықтар арасындағы бейбітшілік, достық және түсіністік одан әрі орнасын! Біздің Отанымыз-Тәуелсіз Қазақстан гүлдене берсін!
