ЖОО-да Қозыбаев университеті мен «Cool Infinity» ЖШС арасында ынтымақтастық туралы келісімге қол қойылды. Бұл болашақта университет мамандарын даярлауға, ЖОО ҚДБАИ базасында «Cool Infinity» қызметкерлерінің біліктілігін арттыруға бағыттағы бірлескен жобаларды іске асыруға мүмкіндік береді.
Басқарма Төрағасының- Ректордың м.а. Ербол Исақаев техникалық мамандықтар студенттері енді осы өндірісте тәжірибеден өте алатынын атап өтті. Сондай-ақ, ЖОО-ның білім алушылары мен ғалымдарын қатыстыра отырып, екі тарап үшін де өзекті бағыттар бойынша бірлескен ғылыми-зерттеу жұмыстарын ұйымдастыру, бірлескен семинарлар мен конференциялар өткізу жоспарланған.
Бірақ, ең бастысы, екі жақты келісім университет түлектерін серіктес кәсіпорында, оның ішінде "Серпін" бағдарламасы бойынша оқитын студенттерді жұмысқа орналастыруға ықпал ететін болады. "Cool Infinity" ЖШС бас директорының бірінші орынбасары Ақан Кәрімов атап өткендей, кәсіпорынның кадрларға қажеттілігі шамамен 350-500 адамды құрайды.
Желтоқсан айының басында Қозыбаев университетінің басшылығы, инженерия және цифрлық технологиялар факультетінің қызметкерлері мен педагогтары «Cool Infinity» компаниясында болып, оның қызметімен танысты. Кәсіпорын жылжымалы құрамның, вагон жөндеу және вагон жасау кәсіпорындарының конструкторлық және техникалық-жұмыс құжаттамаларын жобалаумен, әзірлеумен айналысады. Бұдан кейін де кәсіпорындар қос тарап шарттар арқылы осы келісімнің шеңберін кеңейтуге ниетті.
