25 қаңтардан Қозыбаев университеті өзінің білімгерлерін көктемгі семестрге қарсы алмақ. Осыған орай, корпустар мен жатақханалар, кітапханалар мен оқу залдары санитарлық нормаларды сақтау бойынша мониторнгтен өтті. Студенттерді оффлайн оқуға қабылдау қарсаңындағы тексерісті студенттік өзін-өзі басқару активінің өкілдері жүргізді. Комиссия құрамына ЖІК, кәсіподақ, студенттік ректорат, ҚР БҒМ студенттер мәселелері жөніндегі кеңес өкілдері кірді. Іс-шара ҚР Білім және ғылым министрлігі мен "Қазақстан студенттер Альянсы"РҚБ бастамасымен ұйымдастырылды.
Тексеру шаралары короновирустық инфекцияның таралуын алдын алуға бағытталған. Студенттер оқуға келгенде міндетті түрде бетперде киіп, әлеуметтік қашықтықты сақтап, қолды санитайзерлермен зарарсыздандыру қажет.
Мониторингтерді өткізу білім алушылар үшін індетке қарсы тұрудың біршама белгілерімен танысуға мүмкіндік бермек. Сәйкесінше, бұл орайда студенттік өзін-өзі басқару белгілі ұсыныстар береді.
Мониторинг барысында жеткіліксіз болған қажетті жабдықтармен университетіміздің корпустарын, сондай-ақ жатақханалар мен кітапханаларын қамту жоспарланып отыр. Айта кетсек, бүгінгі таңда оқу орда қабырғасында 400-ге жуық тазартқыштар орнатылған.
