ЖОО-да Қозыбаев университетінің әскери кафедрасының жалпы әскери пәндер циклінің аға оқытушысы, запастағы майор Серікбай Тілеукенұлы Мырзатаевты лайықты демалысқа шығарып салды.
Оқу ордамызда ол 1998 жылдан бері жұмыс жасайды. ҚР Қарулы Күштері үшін жас мамандар тобын дайындаған. Оның бай педагогикалық тәжірибесі бар. Біздің жоғары оқу орнымыздың, сол кездегі Петропавл пединститутының түлегі бола тұра, көп жылдар бойы білім беру саласында қызмет етті. Мұғалім, оқу ісінің меңгерушісі, ауыл мектебінің директоры болған. Университеттегі еңбек жолын әскери кафедраның ассистенті қызметінен бастады. Бүгінде оның педагогикалық таланты, офицерлік абыройының жеке үлгісі, таңдаған ісіне деген адалдығын барлық студенттер біліп, құрметтейді. Жұмыс істеген жылдары ҚР ҚК мерейтойлық медальдарымен, "Академик Манаш Қозыбаев" медалімен, алғыс хаттармен және грамоталармен марапатталған.
Серікбай Тілеукенұлын туған күнінде ризашылық білдірген әріптестері, университет басшылығы мен қызметкерлері құттықтауда. ТЖӘМ жөніндегі Басқарма мүшесінің м.а Нұрлан Баимбетов мерейтой иесінің жас ұрпақты, Отанымыздың саналы және белсенді қорғаушыларын патриоттық тәрбиелеуге, ұлттық дәстүрлерді сақтауға, мемлекеттік рәміздерді құрметтеуге, ана тілін құрметтеуге қосқан зор үлесін атап өтті.
Серікбай Мырзатаев біздің ЖОО-да әскери кафедра құрылуының бастауында тұрды. Ол бүгінде сапта: әскери дайындық, тактика пәндері, әскери топография бойынша дәріс және практикалық сабақтар өткізеді. "Пәндер жоғары ғылыми және әдістемелік деңгейде оқытылады, студенттерге тұрақты практикалық және командирлік дағдылар үйретіледі. Сіз жас аудиторияның Қазақстан Республикасының Қарулы күштеріне, оның жауынгерлік дәстүрлеріне, әскерлердің салалары мен түрлерінде қызмет өткеру ерекшеліктеріне қызығушылығын дамыта отырып, оларды әскери білім алуға ынталандыра отыра, өз шеберлігіңізді көрсете алдыңыз. ҚР ҚК жарғыларының талаптарын орындау-әрбір әскери қызметшінің міндеті екенін көрсете білдіңіз"- деп мәлімдеді әскери кафедра жетекшісі Шайзатхан Әбжапбаров.
Біз осы мереке күні айтылған барлық құттықтауларға қосыламыз. Серікбай Тілеукенұлына зор денсаулық, амандық, жүректе мәңгілік жастық пен ашық аспан тілейміз!
