Биыл ЖОО қабырғасында ҰБТ-ны СҚО-ның Қызылжар, Мамлют, Аққайың, М.Жұмабаев ауданы және Петропавл қаласының мектеп түлектері тапсырды. Барлығы 1051 адамды құрады.
Тестілеу 20-29 қаңтар аралығында 7 ағымда өтті. Емтихан тапсырушылар тарапынан да, процесті ұйымдастыру тұрғысынан да мемлекеттік комиссияның ешқандай бұзушылықтары анықталған жоқ.
Тестілеу рәсімі барлық санитарлық талаптарды қатаң сақтады. 12 аудитория дайындалды (1 резервтік). Балаларға тегін бетперде таратылып, олар дезинфекциялық құралдармен қамтамасыз етілді. Ғимаратқа кіре берісте арнайы дезинфекциялық дәліздер, әр қабаттарда санитайзерлер, едендерде әлеуметтік қашықтыққа арналған белгілер орнатылды. Аудиторияларда 10-15 адамнан болды.
Мектеп түлектерінен басқа ҰБТ– ны ЖОО- ға шартты түрде қабылданғандар, яғни өткен тестілеуде жазда қажетті шекті балл жинай алмағандар тапсырды. Сонымен қатар, басқа мамандыққа ауысқысы келетін шығармашылық мамандықтар студенттері де болды. Оларға 2 бейінді пән бойынша кемінде 5 балл жинау қажет болды.
Атап өту қажет, жоғары балл- 122. Бұл дәстүрлі форматта өткізілген соңғы ҰБТ болмақ. Бұдан кейін талапкерлер оны электронды түрде компьютерлерде тапсырады.