ҚР Премьер-Министрінің орынбасары Ералы Туғжанов бастаған республикалық комиссияның шешімімен Ерлан Шуланов Қозыбаев университеті Басқарма Төрағасы- Ректоры лауазымына тағайындалды. Ғылыми кеңес отырысында оны университет ұжымына ҚР Білім және ғылым вице –министрі Мирас Дәуленов таныстырды.
Ерлан Нұрлыбекұлы Шуланов 1984 жылы Қарағанды қаласында дүниеге келген. Еуразия Ұлттық университетін "Халықаралық құқық" мамандығы бойынша үздік дипломмен бітірген. МВА магистрі дәрежесі бар.
Еңбек жолын 2003 жылы ЗТБ "Қазақстан жастарының Конгресінде" бастаған. "KEGOC" АҚ бас кеңесшісі, "Adal Solutions" ЖШС заңгер болып жұмыс істеді. 2008 жылдан 2009 жылға дейін "Өңірлік даму және зерттеулер орталығы" ЖШС-де, ҚР Президентінің жанындағы Мемлекеттік басқару академиясында сарапшы-талдаушы қызметін атқарды.
2010 жылы "Самұрық-Қазына" ҰӘҚ"АҚ бас маманы болды. Оның кадрлық саясатының тұжырымдамасын әзірлеуге, "Самұрық-Қазына "корпоративтік университетін" құруға қатысты.
Ерлан Нұрлыбекұлы тәжірибелі басшы, ұзақ уақыт ақпараттық-талдау жұмысымен айналысқан. "Халықаралық бағдарламалар орталығы"АҚ талдау және зерттеулер бөлімінің бастығы лауазымында қызмет еткен болды. ҚР БҒМ талдау тобын басқарды. "Кәсіпқор "Холдингі" АҚ құру, "Болашақ" бағдарламасын реформалау мәселелерімен айналысты, ҚР БҒМ сапаны бақылаудың вертикальді моделін әзірлеуге қатысты.
3 жыл бойы "Назарбаев Университеті" ЖБМ атқарушы директоры, кейін ҚР БҒМ "Ақпараттық– талдау орталығы" АҚ президенті лауазымында еңбек етті.
"Бүгінде Қозыбаев университетінің ұжымының алдында үлкен мақсат тұр-білім алушылар контингентін арттыру және талапкерлердің басқа елдерге қоныс аударуын қысқарту үшін университетті дамыту. Ерлан Шулановтың бұл міндеттерді шешу үшін білімі мен тәжірибесі бар", - деп хабарлады ҚР Білім және ғылым вице–министрі.
Сонымен қатар, ол біздің тарихымыз бай ЖОО- ның түлектерді жұмысқа орналастыру бойынша жоғары көрсеткіштерге ие- 94%, "Атамекен" ҰКП рейтингі бойынша көшбасшылар үштігіне кіретінін атап өтті. Сондай-ақ, университет "15 өңірлік ЖОО" жобасына қосылып, мемлекет тарапынан қосымша қаржылық қолдау ала алатынына сенім білдірді.
Өз кезегінде СҚО әкімінің орынбасары Дәурен Жандарбек Ерлан Шулановты тағайындалуымен құттықтады. Ол облыс басшылығы жалғыз Солтүстік Қазақстан университетінің серпінді дамуына белсенді қолдау көрсетіп отырғанына назар аударды: жаңа 11 қабатты оқу-зертханалық кешен мен 244 және 306 орындық білім алушыларға арналған екі жатақхананың құрылысы басталды. 1200 орындық заманауи Студенттер үйін салу жоспарланған. Осының барлығы білікті мамандарды даярлау бойынша сенімді база болып қала беретін ЖОО-ның жұмыс жасауына жаңа серпін береді.
Ерлан Шуланов ҚР БҒМ-не сенім білдіргені үшін алғысын білдірді. "Мен осы университетте жұмыс істеу мәртебесіне ие болғаныма өте қуаныштымын. Бүгін оған үлкен үміт артылды. СҚО әкімдігінің қолдауымен ел басшылығы қойған міндеттерге міндетті түрде қол жеткізілетініне сенімдімін. Ал ұжымда қалыптасқан жүйелі жұмыс Қозыбаев университетінің одан әрі дамуына негіз болады", - деп түйіндеді Басқарма Төрағасы-Ректор.
