8 ақпанда Агротехнологиялық факультетінде діни экстремизм мен терроризмге қарсы іс-қимыл мәселелері бойынша «Терроризм және Интернет» тақырыбында құқық қорғау органдары өкілдерінің шақыруымен диалог алаңы өтті.
Кездесу мақсаты қазіргі таңда өзекті болып отырған мәселе бұқаралық ақпарат құралдарын экстремистік және террористік мақсатта пайдаланудың алдын алу, тоқтату, кибертерроризм.
Кездесуге Солтүстік Қазақстан облысы полиция департаментінің экстремизмге қарсы іс-қимыл басқармасының қызметкерлері - Халимулин Марат Ермұханұлы - полиция майоры, бөлім бастығы және жедел уәкіл, полиция майоры Сыздықов Дархан Сәбитұлы қатысты.
Кездесу барысында студенттер жастар арасында кибертерроризмді дамытудың негізгі себептері, қазіргі заманғы экстремизм мен терроризмнің формалары мен әдістері, әлемдік ақпараттық кеңістіктегі жастар арасындағы терроризм көріністерімен күресу үшін қажетті шаралар анықталды.
Қонақтардың сөздері көрермендердің ыстық ықыласына бөленді, студенттер сұрақтар қойып, болашақта осындай кездесулер ұйымдастыру қажеттілігі туралы айтты.
