Атаулы стипендия - "Журналистика" кафедрасы мен 7152.kz ақпараттық-жаңалықтар сайты жасасқан меморандумның басты тармақтарының бірі. Ақпараттық-жаңалықтар сайты оқу жылы ішінде ай сайын жеңімпаз студентке 20 мың теңге көлемінде шәкіртақы төлейтін болады.
Осы байқауға күндізгі оқу бөлімінің студенттері қатысты. Үміткерлерге 7152.kz сайты туралы бейнеролик жасау қажет болды. Студенттердің жұмысын сараптамалық комиссия бағалады, оның құрамына жаңалықтар порталының өкілдері, сондай-ақ "Журналистика" кафедрасының меңгерушісі Айсұлу Шайкенова, аға оқытушы Татьяна Морозова кірді.
Байқаудың нәтижесі бойынша "PR-Журналистика" мамандығының 1 курсының студенті Әсел Баймульдинова шәкіртақыны жеңіп алды.
Бейнероликте Әсел ақпараттық сайттың артықшылықтары туралы айтып, осы ресурста әрбір солтүстікқазақстандық ең маңызды жаңалықтармен таныса алатынын атап өтті. Алдағы уақытта "Журналистика" кафедрасының тағы бір студенті шәкіртақы иегері болатын екінші байқауды өткізу жоспарланып отыр.