Қозыбаев университетінде онлайн режимінде «Қазақстандағы саяси қуғын-сүргін құрбандарын методологиялық концептілері және ғылыми зерттеулерге жаңа қөзқарас» атты халықаралық ғылыми-тәжірибелік конференция өтті.
Іс-шараға Парламенті Мәжілісінің депутаты Берік Әбілғалиұлы, СҚО әкімінің орынбасары Дәурен Жаңдарбек. Ш. Уәлиханов атындағы Тарих және этнология институты директоры Зиябек Қабылдинов, «Қаһармандар» Республикалық Қоғамдық қорының төрағасы Сабыр Қасымов пен университет оқытушылары қатысты.
Жиынды аша отыра, ҒжИ жөніндегі Басқарма мүшесінің м.а. Ақмарал Ыбраева Президент Қасым-Жомарт Тоқаевтың Жарлығына сәйкес Қазақстанда саяси қуғын-сүргін құрбандарын толық оңалту жөніндегі мемлекеттік комиссия құрылғанын атап өтті. «Тоталитарлық режимнен зардап шеккендердің тізімін нақтылау жүргізілуде. Соңғы жылдары саяси себептер бойынша қуғын-сүргінге ұшырағандарды мәңгі есте қалдыру бойынша үлкен жұмыс атқарылды. Конференцияның міндеті - осы бағыттағы әрі қарай қызмет үшін әдістемелік негіздерді әзірлеу» - деп айтты Ақмарал Ыбыраева.
Жиналғандарға СҚО әкімінің орынбасары Дәурен Жандарбек сөз сөйледі. Ол біздің облыста 7600-ден астам адам саяси қуғын-сүргінге ұшырағанын хабарлады. Олардың арасында атақты жерлестер Мағжан Жұмабаев, Смағұл Сәдуақасов, Сабыр Ахметжанов, Нығмет Сырғабеков және басқалары бар. Идеологиялық себептер бойынша заңсыз сотталғандарға қатысты тарихи әділеттілікті қалпына келтіру жұмыстары жалғасып келетінің атап өтті.
Сонымен қатар, тәжірибелік-конференцияда «Саяси қуғын-сүргін құрбандарын зерделеудің жаңа методологиясы», «Ғылыми зерттеулердің меотодологиялық негізі: жаңа қағидаттар мен көзқарастар», «Қазақстандағы саяси репрессиялардың ерекшелігі», «1916-1944 жылдардағы Солтүстік Қазақстан облысындағы саяси қуғын-сүргін тарихы Солтүстік Қазақстан мемлекеттік архивінің материалдарында» сынды тақырыптарда баяндамалар оқылды.
Отырысқа қатысатын ғалымдар, қоғамдық қайраткерлер, ғылыми-зерттеу мекемелерінің қызметкерлері, ЖОО-ның оқытушылары конференция тақырыбына қатысты ғылыми тұжырымдарын, тың көзқарастарын ортаға салып, ойлармен бөлісті.
Халықаралық ғылыми-тәжірибелік конференция қорытындысы бойынша саяси қуғын-сүргін құрбандарын зандық және саяси тұрғыдан ақтауға, саяси қуғын-сүргін құрбандарын, сондай-ақ Қазақстанның азаттығы мен тәуелсіздігі үшін күрескендердің ерлігі мен батырлығын мәңгі есте қалдыруға байланысты мәселелер бойынша нормативтік құқықтық актілердің жобаларын әзірлеу жөнінде ұсыныстар енгізіліп, ұсынымдар беріледі.
