Сыбайлас жемқорлыққа қарсы күрес жұмысы- бұл республикадағы кез-келген оқу орындарында, оның ішінде біздің университетке де қажетті шара. Қозыбаев университетінде «Білім беру саласындағы сыбайлас жемқорлық құқық бұзушылықтарды алдын-алу» атты онлайн конференция өтті. Оған «Sanaly urpaq» республикалық жобалық кеңсесінің жетекшісі Қайыржан Тоқышев пен ҚР Сыбайлас жемқорлыққа қарсы іс-қимыл агенттігінің СҚО бойынша департаментінің басшысы Ернар Баянғазин, СҚО білім беру сапасын қамтамасыз ету департаментінің өкілдері, сонымен қатар СҚО білім басқармасы, қалалық колледждер және белсенді студенттер қатысты.
Басқарма Төрағасы- Ректор Ерлан Шуланов университетте студенттер мен оқытушылар құрамы арасында сыбайлас жемқорлыққа қарсы мәдениетті қалыптастыру бойынша жүргізілген жұмыстар туралы есеп берді. 2018 жылдан бастап университетте «Sanaly urpaq» жобалық кеңсесі ашылды. Оқу процесінде «Сыбайлас жемқорлыққа қарсы іс-қимыл негіздері», «Құқық негіздері және сыбайлас жемқорлыққа қарсы мәдениет», «Академиялық жазу» пәндері енгізілді. Ағымдағы оқу жылында қашықтан өткен қысқы емтиханда проктор ретінде 20 ерікті қатысты. Олар сәйкестендіру жұмыстарын жүргізіп, академиялық адалдық ережелерінің сақталуын қадағалады.
2020 жылға арналған этикалық комиссия академиялық адалдық ережелері мен этика кодексін бұзу туралы 8 материал қарастырылды. Университеттің 3 оқытушысы мен 1 қызметкері тәртіптік жауапкершілікке тартылды, 24 студенттің емтихан нәтижелері жойылды. Сонымен қатар, педагогикалық ұжымның, сыбайлас жемқорлық жағдайы туралы зерттейтін қызметкерлердің пікірін зерделеу үшін сауалнама жүргізілуде.
«Sanaly urpaq» жобалық кеңсесі сыбайлас жемқорлыққа қарсы дүниетанымды қалыптастыру бойынша көптеген жұмыстар атқаруда. Ағымдағы оқу жылында осы бағытта 10-нан астам жоба жүзеге асырылды. Оқу жылы ішінде әлеуметтік желілерде СӨЖ, дипломдық және курстық жұмыстар жазу бойынша қызметтер ұсыну туралы хабарландырулардан тұратын 46 басылым анықталып, бұғатталды. Университеттің веб-сайтында «Сыбайлас жемқорлыққа қарсы күрес» интернет-порталы бар. Онда оқу барысында босатылған мемлекеттік білім гранттары, жатақханалардағы бос орындар, профессорлық-оқытушылық құрам мен қызметкерлерге пәтер беру тәртібі, студенттердің үлгерімі және университеттегі сыбайлас жемқорлық фактісін жариялауға болатын арналар бар. Онлайн форматта жатақханаларға орналасу және спорттық секцияларға тіркелу бойынша қызметтер ұсынылады. Сондай-ақ, онда ректор блогы және "Сенім жәшіктері" бар.
Сонымен қатар, Ерлан Шуланов сыбайлас жемқорлыққа қарсы тақырыпты пәнаралық интеграция қағидаты бойынша білім беру бағдарламаларының мазмұнына енгізу, әлеуметтік желілерде және ЖОО сайтында білім алушылар мен оқу орданың қызметкерлері ректормен WhatsApp арқылы байланыса алатын ашық телефон нөмірін жариялау бойынша бастаманы көтерді.
Осы жұмыстардың барлығын Қайыржан Тоқышев жоғары бағалады. Айта кеткен жөн, «Солтүстік Қазақстан университетінің «Sanaly urpaq» жобалық кеңсесі жоғары өнімділікті көрсетеді. Университет Солтүстік Қазақстан облысындағы колледждер үшін білім мен сыбайлас жемқорлыққа қарсы іс-қимыл әдістерін тарататын орталыққа айналуы керек », - деді ол. Сонымен қатар, ол сыбайлас жемқорлыққа қарсы іс-қимылға қатысатын студенттердің санын көбейтуге кеңес берді.
Ернар Баянғазин бұл бағыттағы жүргізіліп жатқан жұмыстардың негізгі мәні сыбайлас жемқорлық фактілерінің көріну салдарымен емес, олардың пайда болу себептері мен шарттарымен күресу керек екендігіне назар аударды. Осыған байланысты білім беру ұйымдарының ашықтығы артып келеді,сондықтан олардың мониторингі ұйымдастырылған.
