«Sanaly urpaq» жобалық кеңсесі белсенді студенттер үшін сыбайлас жемқорлыққа қарсы воркшоп-баттл өткізді. Үш турда олар сұрақтарға жауап беріп, тапсырмаларды талдады. Әр сұраққа 1-1,5 минут уақыт берілді. Студенттердің академиялық адалдық ережелерін, сондай-ақ жауапкершілік шараларымен қаншалықты таныс екендіктері тексерілді.
Шығармашылық байқауға қатысушылар университеттің сыбайлас жемқорлыққа қарсы қызметін жетілдіру тұжырымдамасын ұсынды. Олар қазылар алқасының алдында өздерінің көрнекі жобаларын қорғады. Ұсынылған жағдайлардың қатарында университетте ҚАС бөлімшелерін құру («Құрметті, адал студенттер») қарастырылған. Бұл әр бөлімде «Құпия сатып алушылар» қағидаты бойынша қызмет атақаратын топ. Сонымен қатар, студенттерге арналған арнайы ғимаратта жемқорлық мәселелерін ашық талқылай алатын кеңістік құру.
Нәтижесінде тартысты сайыста студенттік ректорат алға озып шықты. Студенттер Кәсіподағының командасы екінші орынға жайғасып, Жастар ісі жөніндегі комитет үшінші орынды иеленді.
