Осымен екінші жыл Агротехнологиялық факультет тамақ өнеркәсібінің болашақ технологтарын даярлау бойынша «Eurasian milk» сүт зауытымен тығыз байланыста. Зауыт директоры Андрей Гриценконың бастамасы бойынша студенттер мен оқытушыларға мастер-класс өткізу үшін университетке Польшадан маман, магистр, «European Technological Group» компаниясының өкілі Петр Згужыньски шақырылды. Ол ірімшік өндіру технологиясындағы жаңа трендтер туралы ақпарат берді. «Азық-түлік қауіпсіздігі» кафедрасының студенттері үшін бұл тақырып аса өзекті, себебі оқу жоспарларында ірімшік өндіру технологиясы бойынша пән бар. Сондай-ақ, Петр Згужыньски зауыт қызметкерлері үшін өндірісте бірқатар дәрістер өткізді, онда біздің студент-практиканттар түрлі ірімшіктерді дайындаудың барлық процесін өз көздерімен көре алды. Мұндай мастер-класстар оқытушылардың біліктілігін арттыруға, ал студенттерге жаңа білім алуға және оларды практикада қолдану үшін шетелдік ғалымдардың тәжірибесін алуға мүмкіндік береді. «Eurasian milk» сүт зауытымен ынтымақтастық шеңберінде зауыт директоры Гриценко Андрей Валерьевич 1 семестр бойы «Азық-түлік өнімдерінің технологиясы» білім беру бағдарламасының білім алушыларына «Ірімшік пен сарысуы өнімдер өндіру технологиясы» пәні бойынша дәріс оқыған болатын.
