Ғылым апталығы аясында «Журналистика» кафедрасының ұйымдастыруымен «Әлеуметтік желілер арқылы дәстүрлі және жаңа медианың мультимедиялық өнімін дайындау мен таратудың теориясы мен практикасы» атты дөңгелек үстел өтті.
Ақпараттық-коммуникациялық технологиялардың қарыштап дамуымен БАҚ қызметі түрлене түсті. Мультимедиялық технология контентті дайындап, оны әлеуметтік желілер арқылы аудиторияға жеткізу үшін тиімді әдістерді қажет етті. Бүгінгі таңда ғалымдар пәнаралық зерттеуді қолға алуы тақырыптың өзектілігін аңғартады. Дөңгелік үстелдің мақсаты журналистік құзыреттерді қалыптастыруға үлес қосу еді.
Аталмыш шараға республикалық «Егемен Қазақстан» газетінің тілшісі Меруерт Бүркітбаева, «Астана ақшамы» газетінің шеф редакторы Төлен Тілеубай және «Журналистика» кафедрасының білім алушылары қатысты. Дөңгелек үстелде студенттер Қалиева Дана, Партизан Нұржанар, Қапез Қуаныш, Нуртазина Алинаның баяндамалары тыңдалды. Олардың тақырып бойынша дайындаған материалдарынан мәліметтерді жинауы, іріктеуі, сараптай алу деңгейлері байқалды. Кәсіби журналистерден дәстүрлі БАҚ-тың әлеуметтік желіге көшуі, олар ұсынған технологияларды тиімді пайдаланып контент жасап, жазылушылардың қатарын арттыру, оқырмандарды тарту әдістерітуралытыңдады. Екі тараптың ортасында жылы пікіралмасу өтті. Өз кезектерінде студенттер сұрақтарына жауап алды. Қазақстанда ақпарат жасау мен таратуда цензура мәселесі туралы сұраққа журналист М.Бүркітбаева цензураға Конституцияда орын жоқтығын, десекте тәуелсіз БАҚ қаржыландырып отырған өкілге байланысты өз функциясын жүзеге асырады, сол сияқты редакцияның саясатымен санасатынын әңгімеге арқау етті. Тәжірибелі журналист ақпаратпен жұмыс істеу процесінен пайдалы мағлұматтар келтірді. Кафедраның аға оқытушысы Ә.Ж.Сәуірбаева мультимедиялық технология, конвергенттік редакция ұғымдары жаңа медианың сипатын білдіретінін, және бұлар арқылы журналистика саласында жаңа мамандықтарды игерудің қажеттілігі туғанын айтады. Сондай-ақ, әлеуметтік желілерде, ақпараттық сайттардан гөрі БАҚ сенімді ақпарат көзі ретінде танымалдығын жоғалтпайды. Және жаһандық ақпарат кеңістігінде журналистік кәсіби этиканың маңызы орасан екендігі баса айтылды. Жиын студенттердің журналистік мазмұнның жасалу, таратылу туралы білімдерін тереңдетіп, дүниетаным көкжиегін кеңейте түсті.
