М. Қозыбаев атындағы Солтүстік Қазақстан университетінің "Журналистика" кафедрасы және Петропавл қаласының ақпараттық-жаңалықтар сайты 7152.kz өзара ынтымақтастық туралы меморандумға қол қойды.
Тараптар жас журналистерді даярлау, студенттердің білімін бекіту және практикалық дағдыларын пысықтау мақсатында ынтымақтасатын болады. Сонымен қатар, интернет-басылым кафедра оқытушыларына тағылымдамадан өтуге орын береді. Тараптар бірлесіп тренингтер, семинарлар, дөңгелек үстелдер, мастер-кластар ұйымдастыру бойынша жұмыс жүргізетін болады.Меморандумның негізгі тармақтарының бірі әрі қарай ынталандыру және материалдық қолдау үшін оқуда және қоғамдық өмірде жоғары көрсеткіштері бар дарынды студентке атаулы стипендия беру болып табылады. Ақпараттық-жаңалықтар сайты оқу жылы бойы ай сайын конкурс жеңімпазы деп танылған білім алушыларға 26 мың теңге төлейтін болады. Атаулы стипендия алуға "Журналистика"кафедрасының күндізгі оқу бөлімінің студенттері үміткер бола алады. Шешімді сараптама комиссиясы шығарады.Меморандум аясында оқытушылар мен журналистер бірлескен жобаларды әзірлеп, тәжірибе алмасатын болады.