М. Қозыбаев атындағы Солтүстік Қазақстан университеті «Журналистика» кафедрасының ұйымдастыруымен «Ақмола губерниялық «Бостандық туы» газетіне 100 жыл» атты ZOOM платформасында ғылыми-тәжірибелік конференция өтті. Аталмыш іc-шараға акедемик, М. Қозыбаев атындағы СҚУ профессоры Зарқын Тайшыбайұлы, «Журналистика» кафедрасының меңгерушісі Айсұлу Жақсылыққызы, кафедра оқытушылары Гүлгүл Қуатқызы, Ашекей Жұмағұлова, Нұргүл Қарасайқызы, облыстық «Солтүстік Қазақстан» газетінің редакторы Ербақыт Амантайұлы, Нұр-Сұлтан қаласы «Астана Ақшам» газетінің шеф-редакторы Төлен Төлеубай құрметті қонақ болып өз тәжірибелерімен бөлісті. «Журналистика» кафедрасының магистранты Айсара Шалабаева, 2-курс студенттері Сержан Нұртолқын, Мақпал Ерғалиева баяндама жасады. Конференция барысында Зарқын Тайшыбайұлы қазақ басылымдарының бүгінге дейін тұнба тарихымен «Кедей сөзі» газетінің «Бостандық туы» газетіне өзгерту туралы жан-жақты құнды мағлұматтарымен бөлісті. «Солтүстік Қазақстан» газетіңінің бас редакторы Ербақыт Амантайұлы «Кедей сөз», «Бостандық туы», «Кеңес ауылы», «Ленин газеті» және де «Қызылжар» газетінің ХХ-ғасырдан бастап жазылған құнды деректердің барлығын заман талабына сай етіп кітап шығару керектігін тілге тиек етті. Шараға «Журналистика» мамандығының 1, 2, 3-курс студенттері қатысты.