Біздің университет қызметкерлері Петропавл ауыр машина жасау зауытына сапар шекті. Университет басшылығы, Ғылыми зерттеулердің нәтижелерін коммерциялау кеңсесі, инженерлік және сандық технологиялар факультетінің өкілдері ірі машина жасау кәсіпорындарының бірінің қызметімен танысты.
«ПАМЖЗ» АҚ мұнай мен газ өндірісі, мұнай мен газды өңдеу, мұнай-химия, энергетика және басқа салаларға арналған жабдықтар шығарады.
Кездесу барысында кәсіпорынның бас директоры Айдын Оразханов пен Қозыбаев университетінің Басқарма Төрағасы -Ректоры Ерлан Шуланов ғылыми-техникалық ынтымақтастық туралы келісімге келді. Өз кезегінде бұл жұмыс бірнеше бағыттарды қамтиды: ғылыми зерттеулер, зияткерлік меншік және академиялық жұмыс.
Университет бакалавриат, магистратура, PhD докторантура бағдарламалары бойынша студенттерге, оқытушылар мен зерттеушілерге қысқа және ұзақ мерзімді тағылымдамадан өтуге, кәсіби тәжірибеге бағыт бере алады. Тағы бір ерекше тұстардың бірі – ғылыми зерттеулер, өзара тиімді эксперименттік, ғылыми-әдістемелік, жобалау жұмыстары; консультациялар мен сараптамалар, осындай қызмет нәтижелері мен бірлескен келісімшарттық жұмыстарды, зияткерлік меншікке патенттерді тіркеу, өндіріске әзірлемелерді енгізу қарастырылған.
PhD докторанттарына ғылыми зерттеулер жүргізу кезінде ПАМЖЗ өндірістік базаларын пайдалану олардың ғылыми зерттеулерін жаңа деңгейге шығаруға мүмкіндік береді. Сонымен қатар, ҚДБАИ Қозыбаев университетінің базасында серіктес кәсіпорынның кадрларын қайта даярлау жүргізіледі.
Айта кетсек, дәрістер, шеберлік сабақтар мен семинар-тренингтер, конференциялар арқылы тәжірибе және ақпарат алмаса алады. Ынтымақтастықтың маңызды аспектісі университет бітірушілерінің «ПАМЖЗ» АҚ құрылымдық бөлімшелеріне жіберілген жұмыс орындарына сәйкес қызметке орналасу көзделген.
