Білім ордамызда кітаптар тізімі көбейді. Жиында Елбасының «Болашаққа бағдар: рухани жаңғыру» мақаласында әлемнің үздік 100 оқулығының қазақ тілінде аударылуы туралы мәлім етілді. Ендігі мақсат «100 жаңа оқулық» атты бағдарлама аясында кітап таралымын көбейту. Қазіргі таңда бұл жоба өз жемісін бере бастады. Шетелдік университет студенттеріне қол жетімді білім енді біздің білімгерлердің бойларын байыта түспек.
Оқу ордамыздың кітапханасында «Рухани Жаңғыру» бағдарламасы аясында кітаптардың ақырғы бесінші басылымы келіп түсті. 23 оқулықтың 3 мыңнан астам данасы үнді, араб, қытай, жапон философияларынан тұрады. Сонымен қатар, көптілді педагогика мен саясат туралы кітаптар алғашқы рет әкелініп отыр.
Іс-шараға «Рухани жағыру» әлеуметтік-гуманитарлық зерттеулер институтының, «Өрлеу» ұлттық біліктілікті арттыру орталығының, ҰҰ ҚК Әскери институты, «Қоғамдық Келісім» КММ өкілдері, сондай-ақ жоғары оқу орындарының студенттері қатысты.
Айта кету керек, «Рухани жағыру» бағдарламасы бойынша кітаптар біздің университетке 2018 жылдан бастап түсе бастады. Олар ағылшын, француз, неміс және басқа тілдерден аударылды. Қазіргі таңда мұндай басылымдарға сұраныс жоғары. Студенттер жаңа оқулықтармен танысуға қуанышты.
Бүгінде университет қабырғасында осы бағдарламаға сай 100 жаңа оқулық толығымен қамтылған. Негізінде, кітаптар әлеуметтік және гуманитарлық бағытта болмақ. Оларды әрбір кітапсүйер қауым білім ордамыздың кітапханасынан,сайтынан электронды түрде оқи алады. Қазіргі кезде жоба бойынша кітаптың 14 мың данасы бар.
