«Қазақстан халқы Ассамблеясы» кафедрасында Агротехнологиялық факультет студенттерінің «Видергебурт» неміс мәдени орталығының өкілдері – президент Эльвира Ковзель және орталықтың белсендісі Нелли Савинковамен кездесуі өтті.
Студенттер ҚХА кафедрасының жұмысымен, неміс мәдени орталығының қызметімен, репрессияға ұшыраған неміс ұлтының Қазақстандағы өмірі мен тарихына тоқталды. Шара қатысушыларына Нелли Оттовнаның 1930 жылдары күштеп жер аударылған неміс халқының бастан кешірген қиын кезеңі туралы әңгімесі ерекше әсер қалдырды. Өз кезегінде студенттер тарапынан сұрақтар туындады. Нелли Оттовна тағдырдың еркімен Қазақстанға келген туыстары туралы әңгімелеп, әкесінің суреттері мен марапаттарын көрсетті. Ұлттың бастан өткерген азабы мен сол кездегі қиын-қыстау заманды суреттеді. Ол студенттерге сәттілік үшін өз қолымен жасаған тағаны сыйға тартты.
Кездесуге қатысушылар Қазақстандағы жаңа мереке– Алғыс айту күні достықты нығайтып, барлық қазақстандықтарды жақындастырады деген пікір білдірді. Бұл күні жақындарымызға алғыс білдіруге және мұқтаж жандарға көмек көрсетуге мүмкіндік беріледі.
