Осындай атаумен Қозыбаев университетінде халықаралық ғылыми-тәжірибелік конференция өтті. Оған Қазақстаннан, Беларуссиядан, Ресейден, Италиядан, Қытайдан 300-ден астам адам қатысты. 200-ден аса ғылыми жұмыстар ұсынылды. «Конференциядағы басты міндет мұғалімдердің ғылыми-әдістемелік жұмысын дамыту мен жетілдіруді көздейді», - деді ҒжИ жөніндегі Басқарма мүшесінің м.а. Ақмарал Ибраева.
Петропавл қаласындағы химия-биология бағытындағы Назарбаев Зияткерлік мектебі филиалының директоры Данияр Уалиев өзінің білім беру мекемесіндегі жоспарлау тәжірибесімен бөлісті. Елена Лопанова, Омбы гуманитарлық академиясының (РФ) доценті «Педагогтың зерттеушілік құзыреттілігі: қазіргі заманғы үрдіс пе әлде қажеттілік пе?» атты баяндамасын ұсынды.
Отырыста сонымен қатар білім беру жүйесіндегі белсенділік пен көшбасшылықты дамыту мәселелері, Солтүстік аймақ бойынша мектепке дейінгі білім беру үрдістері, мұғалімдер білімін трансформациялау векторлары және басқа да тақырыптар қарастырылды.
Конференция келесі бағыттар бойынша жалғасты: педагогикалық процестегі мәдениет, ғылым және өнер; бастауыш және мектепке дейінгі білім берудегі дәстүр мен жаңашылдық; әлеуметтік педагогика мен өзін-өзі танудың қазіргі мәселелері; дене шынықтыру және спорт саласындағы инновациялық технологиялар; жеке тұлғаны психологиялық-педагогикалық тұрғыда қолдаудың өзекті мәселелері.
