Гүлмира Мұхамеджанова, «Қазақ тілі мен әдебиеті» кафедрасының доценті, PhD докторы, Қазақстан Республикасы Білім және ғылым министрлігінің 2021-2023 жылдарға арналған гранттық қаржыландырудың ғылыми (немесе) ғылыми-техникалық конкурсына қатысты.
«Білім және ғылым саласындағы зерттеулер» бағыты бойынша «Жаңартылған білім мазмұнын жүзеге асыру жағдайында көріктеуіш тілдік құралдарды оқытудың ғылыми-әдістемелік негіздері (орта білім беру жүйесі бойынша)» атты жаңартылған білім мазмұнын іске асыруға арналған жобасын ұсынып, 38 102 999 теңгені құрайтын грантқа ие болды.
Негізгі мақсаты - қазақ тіліндегі экспрессивті сөйлеу құралдарының мәдени сипаттамалары мен байланысын анықтау, олардың оқыту әдістемесін зерттеп, жүзеге асыру. Сонымен қатар, ұлттық мектептердегі жаңартылған білім беру мазмұнын кеңейту аясында әдістемелік жүйені ұсыну.
Аталған санаттарға арналған кешенді зерттеулер елде толық көлемде жүргізілмеген. «Жақында білімді бағалаудың жаңа түрлері енгізілгендіктен, студенттерді лингвомәдени құзыреттілікке ие лингвистикалық тұлға ретінде қалыптастыру үшін білім беру бағдарламасына экспрессивті құралдардың оқыту әдістемесін енгізу өте маңызды. Бұл мәселе зерттеу өзектілігін анықтауға мүмкіндік береді», - деп атап өтті Гүлмира Тастемірқызы.
Алдағы уақытта қазақ тілінде сөйлеу мәдениеті мен құзыреттілік дағдыларын қалыптастыру мәселесі алға қойылды. Үш жыл ішінде алынған қаражат Web of Science және (немесе) Scopus әлемдік ғылыми журналдарында, сондай-ақ ҚР БҒСБК ұсынған басылымдарында мақалалар жариялауға және ғылыми оқудан өту қарастырылған. Нәтижесінде жобаның тақырыбы бойынша монография мен оқулық дайындауға мүмкіндік бар.