Қозыбаев университетінде Ұлт-азаттық Алаш қозғалысының көсемі, көрнекті мемлекет және қоғам қайраткері, энциклопедист-ғалым Әлихан Бөкейхановқа арналған «Алаш көсемі Әлихан Бөкейханов» атты халықаралық ғылыми-тәжірибелік конференция ұйымдастырылды. Кездесу шымылдығын ҒжИ жөніндегі Басқарма мүшесінің м.а. Ақмарал Ыбыраева ашып, СҚО әкімінің орынбасары Ғани Нығыметов облысымыздың әкімінің құттықтау сөзімен бастады.
Жиынға тарих ғылымдарының докторлары, Түркия, Қазақстанның ЖОО-ның ғалым мүшелері, профессорлары және облысымыздың ғалымдары мен оқытушылары, студенттер қатары да белсене ат салысты.
Ғалымдар ұлы әдебиеттанушының өмірбаяны мен қалдырған мұрасы туралы өз баяндамаларын оқып, талқылады. Дарынды публицистің 155 жылдығына арналған конференцияға арнайы шақыртылған қонақтар тарихшының еңбектерін жан-жақты зерттеп, шара барысында ұлттық тәуелсіздік үшін күрескен алаш көсемдерінің ерліктерін бағыштады.
Конференцияға жан жақтан профессорлық-оқытушылық құрам Әлихан Бөкейханов еңбектерінің құндылықтарын насихаттау жолында қазіргі күні және атқарылған жұмыстар туралы құнды баяндамалар жасады.
Қазақтың тұңғыш энциклопедисті деуге үлкен негіз бар. 20 ғасыр басында Ф.А.Брокгауз бен И.А.Ефрон секілді баспагерлер көптомдық «Жаңа энциклопедиялық сөздігін» шығарып тұрған.
Қазақ өлкесін танушы ғалым Әлихан Бөкейханов осы «сөздікті» әзірлеуге ат салысқан. Отарлаушы елдің озбыр саясатын жастайынан көріп, түйсініп өскен Әлиханның бойында отаршыл билікке сыншыл көзқарасы да ерте қалыптасты. Әлихан Бөкейхановтың бір даналық қағидатына үңіліп көрелікші. Дауыл мен дүрбелеңге толы ХХ ғасырдың бас кезінде халық қамын ойлап, ұлт жанашырлары аз болмады. Соның бірі де бірегейі Әлихан Бөкейхановтың өзі еді.
