8 наурыз көктемнің шуақты мерекелерінің бірі. Осынау көктем мерекесінің қай кезде де орны бөлек. Өйткені ардақты әйелдер қауымына деген ыстық сезім, алғыс пен құрмет ешқашан сөнбейді. Себебі, арулар өмірдің гүлі, көңілдің жыры, әр отбасының алтын діңгегі.
Шуақты күндердің қарсаңында университет қабырғасында мерекелік шаралар ұйыдастырылады. Біздің университет қызметкерлерінің көпшілігі әйелдер қауымы. Олар университет жұмысының әр түрлі бағыттарында табысты қызмет атқарады: студенттерге сапалы білімді қамтамасыз ету, есептеулер жүргізу, кітап қорына жауапкершілікпен қарау, денсаулық сақтау шараларын жүргізіп, тазалық пен тәртіпті сақтау.Бұл нәзікжандылардың болашақ мамандарға жоғары кәсіби дайындықты қамтамасыз ететін күн сайын адал ниетпен жасайтын игі істерінің тізімі.
Дәстүр бойынша, Халықаралық әйелдер күні қарсаңында оқу ордамыздың аяулы арулар қатарын салтанатты құттықтау өтті. Білім беру саласындағы белсенді жетістіктері және белсенді еңбек қызметі үшін университеттің 59 қызметкері мен оқытушылар құрамы Басқарма Төрағасы-Ректордың мақтау қағаздарымен және алғыс хаттарымен марапатталды.
Барлық әйелдерді 8 наурыз мерекесімен құттықтаймыз! Жарқыраған жүздеріңізден күлкі кетпей, жүректеріңіз әрқашан махаббат пен үйлесімділікке толы болсын тілейміз! Денсаулықтарыңыз мықты болсын, барлығыңызға тек сәттілік серік болғай!
