Университетке СҚО бойынша департаментінің сыбайлас жемқорлыққа қарсы қызметтің басшысы Жарқын Ғалымов бастаған делегация келді. Студенттерге қызмет көрсету орталығының қызметімен танысты. Мұнда студенттерге, қызметкерлерге, оқытушылар құрамына және түлектеріне 42 қызмет көрсету жүйесі(оның ішінде 3 мемлекеттік) электронды кезек тәртібімен «бір терезе» қағидаты бойынша тез әрі тиімді түрде көрсетіледі.
Сонымен қатар қонақтар «Sanaly urpak» жобалық кеңсесімен кездесті. Ол оқу ордамыздағы сыбайлас жемқорлыққа қарсы іс-қимыл жасайды. Бүгінгі таңда бұл қозғалысқа 300-ден астам волонтер-студенттер қатысуда (эко-еріктілер, прокторлар, ерікті тәрбиешілер және т.б.). Студенттердің сыбайлас жемқорлыққа қарсы сауаттылығын арттыру бойынша жұмыс жүргізілуде, сонымен қатар Адалдық мектебі, буккроссинг аймағы, барлық ғимараттарға сенім ұяшықтары орнатылды.
Басқарма Төрағасы- Ректоры Ерлан Шулановтың айтуынша, университет сыбайлас жемқорлыққа қарсы стратегияны, академиялық адалдық ережелерін, этикалық кодекс пен сыбайлас жемқорлыққа қарсы стандартты енгізді. Ұжым мен студенттер арасында сауалнамалар үнемі өткізіліп отырады, соның арқасында Қозыбаев университетінде құрметті ортаны қалыптастыру бойынша жүйелі жұмыс жетілдіріліп отырады.
Курстық және дипломдық жұмыстар жазу бойынша заңсыз қызметтерді ұсынатын 48 басылым анықталып, бұғатталған. Сондай-ақ, әлеуметтік желілерге бақылау жүргізілуде. Өтініштер ректордың блогында, университет сайтында, сенім телефонында және «жедел желі» түріндегі мессенджерлерде қабылданады.
Жарқын Ғалымов бүгінде жастар ортасында сыбайлас жемқорлық іс-қимылдарын алдын алудың тиімді құралдарын анықтау маңызды екенін атап өтті.
Сондай-ақ, сыбайлас жемқорлыққа қарсы қызмет өкілдері сыбайлас жемқорлыққа қарсы стандартты пәнаралық академиялық қызметке енгізу, университеттің сенім қағидаты бойынша жұмыс істеуі және қызметкерлерге жауапкершілікті беру туралы бастамаларын айтты.
