Қозыбаев университетінің студенттік ғылыми бірлестіктерінің жыл сайынғы көрмесі қатысушылары мен жеңімпаздарын марапаттау рәсімі бұл жолы онлайн режимінде өтті. Конкурсқа 11 СҒҚ, 4 факультеттен, 23 студент қатысты.
Конкурсқа қатысушылардың әр өнімі 8 критерий бойынша бағаланды, олар ішкі нормативтік құжаттамада бекітіліп, қатысушыларға алдын-ала жеткізілді. Көрмелер қорытындысы бойынша байқау комиссиясы жас ғалымдар кеңесінің мүшелері арасынан университеттің 3 үздік СҒҚ-ны таңдады:
1 орын- МжЖҒ факультетінің «Химия және химиялық технологиялар» кафедрасының «Химия және өмір» СҒҚ. Оған Козик Дария, Шкрябко студенттері қатысты.
2 орын- АФ «Тамақ өнімдерінің қауіпсіздігі» кафедрасының «Зоотехник» СҒҚ. Қатысушылар- Сейтқасымова Сымбат, Умарова Акдана.
3 орын - МжЖҒ факультетінің «География және экология» кафедрасының «Аймақтану» СҒҚ. Қатысушылар - Лебедева Анна, Амангелдинова Дильназ.
Барлығына сертификаттар мен дипломдар, ғылыми зерттеулер үшін ақшалай сыйлықтар табысталды. СҒҚ көрмелік байқауы жыл сайын өткізіледі, сондықтан келесі жылы ЖҒК университетіміздің жас, жаңадан бастаған ғалымдарын ынталандыру бойынша жұмысын жалғастырады.
