Бұл туралы студенттерге университетіміздің академиялық мәселелер жөніндегі басқарма мүшесінің м.а. Жанар Таласпаева онлайн- кездесуде айтып берді.
-Енді бітірушілер оқуды бітіргеннен кейін мамандық бойынша тиісті кезеңді тек мемлекеттік ұйымдарда ғана емес, жеке меншік ұйымдарда да өтей алады! Бұл олардың жұмысқа орналасу мүмкіндігін айтарлықтай жеңілдетеді.
-Егер бұрын тек педагогикалық, медициналық және ауыл шаруашылығы бағытындағы студенттер ғана жұмыс істеуге тиіс болса, енді 2021 жылдан бастап бұл тізімге грантта оқыған барлық қалған мамандықтардың түлектері қосылды.
-Жұмысты өтеу мерзімі оқу мерзіміне сәйкес белгіленеді және университетте тегін оқыған жылдарға сәйкес келеді. (Мысалы, студент ЖОО-ға ақылы бөлімге түсті және кейін жақсы үлгерімі үшін мемлекеттік білім грантын алды немесе, керісінше, гранттан ақылы бөлімге ауыстырылды).
-Мемлекеттік тапсырыс бойынша бакалавриат, магистратура, докторантура, резидентура түлектері жұмысты өтеу тиіс.
-Ауылдық квота бойынша білім алған студенттер тұрғылықты жері бойынша ауылдық жерлерде жұмыс істеуі керек. Жергілікті атқарушы органдардың гранттарымен де осындай жағдай.
-Қозыбаев университетінде грант-түлектерін дербес бөлу жөніндегі Комиссия өз жұмысын сәуір айында бастайды. Алдымен жұмыс берушіден өтініш тапсыру керек (бұдан әрі ол "Қаржы орталығына"АҚ жіберіледі). Өтініш болмаған жағдайда, Комиссия бос орындар бойынша бөлуді жүргізеді.
-Білім грантын өтеуден босатылады (растайтын құжаттарды ұсынған кезде):
1) 1,2 топтағы мүгедектер;
2) магистратураға, докторантураға, резидентураға, екінші жоғары білімге (оның ішінде шетелдік жоғары оқу орындарына) түскендер;
3) жүкті әйелдер;
4) 3 жасқа дейінгі баланы өз бетінше тәрбиелейтіндер;
5) әскери қызмет ету кезеңіне;
6) тұрғылықты жері бойынша бос орын болмаған кезде.
-Жұмысқа орналастыру бойынша міндеттемелерді орындамағаны үшін, түлек, мемлекет жұмсаған барлық шығындарын өтеуі тиіс.
Қосымша ақпарат алу үшін, мансап және жұмыспен қамту орталығына хабарласуға болады 8 (7152) 493233 ішкі 1108