Төрешінің ысқырығы. Допты бағыттап, қабылдау. Топ мүшелеріне пас беру. Шабуылшы соққы. Міне, бұл волейбол ойынын өткізудің қарапайым тәсілі. Алайда, осы сөздердің астарында үлкен еңбек жатыр: ойыншылардың ерік-жігері, жеңіске деген ұмтылысы, және әр сәтті ұтыс жаңа белестерді бағындыруға күш бермек! Сонымен қатар-апта сайынғы жаттығулар, физикалық шаршау, топтағы жеңіс рухы. Біздің студенттер бұл спорт түрін жақсы көреді, оған жыл сайын өткізілетін жарыстар дәлел болмақ. Бұл жолы жарыс жатақханаларда тұратын студенттер арасында өтті. Қыздардан 4 құрама, ұлдар арасында 6 құрама қатысты. "Сұңқар" спорт клубының ұйымдастыруымен өтті.
Екі күндік волейбол жарыстарының нәтижесінде қыздар арасында 1 орынды АФ-1, екінші орынды МЖҒФ, үшінші орынды АФ- 2 командасы алды. Жас жігіттер арасында "алтынды" №1 жатақхана құрамасы, "күмісті" №2 жатақхана командасы, үшінші жатақхананың волейболшылары 3 орынды иеленді.
