«Университет желісі бойынша партияның сайлауалды бағдарламасын іске асыру бойынша барлық қажетті іс-шаралар көзделген. Соның ішінде біздің алдымызда маңызды міндеттердің бірі – өңірдегі жастардың әлеуетін сақтау тұр», - деп мәлімдеді Қозыбаев университетінің Басқарма Төрағасы- Ректоры Ерлан Шуланов. "Nur Otan" партиясы "Болашақ" филиалының ХХІХ кезектен тыс конференциясында оның кандидатурасы ашық дауыс беру арқылы бекітілді.
"Nur Otan" партиясы СҚОФ төрағасының бірінші орынбасары Әсем Рахметова ЖОО-да жастардың кетуін азайту бойынша үлкен жұмыс жүргізіліп жатқанын, атап айтқанда, жаңа оқу-зертханалық корпусының салынып жатқанын, түлектердің жұмысқа орналасуына қолдау көрсетілетінін атап өтті.
Бүгінде "Nur Otan" партиясының "Болашақ" филиалының құрамына 8 бастаушы партия ұйымы кіреді, бұл 1222 адам. Оның 75,6%- ы студенттер мен магистранттар. Жастар партия жобаларын жүзеге асыруға белсенді атсалысуда.
Қоғамдық қабылдау бөлімшесі жұмыс істейді, оған өткен жылы 47 өтініш келіп түсті (70%- ы шешілді, қалған мәселелер бойынша түсініктемелер берілді). Партиялық бақылау комиссиясы студенттердің жатақханаларда тұру жағдайларына үнемі мониторинг жүргізіп отырады. Еңбек ардагерлеріне, зейнеткерлерге, тұрмысы төмен отбасыларға, көмекке мұқтаж студенттерге қолдау көрсетіледі. Осының бәрін 2020 жылы атқарылған жұмыс туралы есеп беру барысында "Nur Otan" партиясы "Болашақ" филиалы төрағасының бірінші орынбасары Александр Зель таныстырды. Сондай-ақ, іс-шарада Саяси кеңес сайланып, "Nur Otan" партиясының "Болашақ" аумақтық филиалының партиялық бақылау комиссиясының құрамы бекітілді.
