2021 жыл 12 қаңтар факультетіміздің ұлты қазақ шет ел азаматтарынан құралған топ тыңдаушыларының арасында Кітап оқу марафоны бойынша сайыс өтті. Оқуға берілген шығарма Сәкен Жүнісовтің " Заманай мен Аманай" повесті. Шығарма 1930 жылдары шаруалар көтерілісі (Кеңес үкіметіне қарсы халық наразылығының сипаты), халық ахуалы, тіршілік көрінісі, тарих тоғысында көрініс тапқан кезеңмен тұспа- тұс жазылған. Шығарманың түйіні - жат жерде жүрген қазақтың елін, жерін сағынған, Отанға деген нағыз махаббатын көрсетеді. Шығарманың басты кейіпкері Балзия- жасы жетпіс үште ( мүшел жас) ел анасы, құрметті әже, қиын заманда Қазақ елінен Қытайға ұрпағын аман сақтау мақсатында тау асып кетіп өмірінің соңына дейін қайтып ораламын деген сертін орындау жолында ұлы Заманайдың ұрпағы — немересі Аманайын еліне жеткізуді мақсат тұтты. Шығарма соңында арманына жетіп, туған жерге оралып, Ұрпақ аманатын орындады!
Кітап оқу марафонына қатысып, белсенділік танытқан тыңдаушылар марапатталды. Аталмыш іс—шараны факультетіміздің қазақ тілі мен әдебиеті пәні оқытушысы Тұрсынғали Нұрбибі жүргізді.
