М.Қозыбаев атындағы СҚУ "Foundation" факультетінде биология-химия бағытын таңдаған ДК-9с-20-2 және ТК-9с-20-2 топтары арасында химия пәнінен онлайн форматта "Химия көшбасшысы" атты интеллектуалды сайыс өтті.
Өткізілген іс-шараның мақсаты тыңдаушылардың демалыс уақытында бос уақыттарын тиімді пайдалану, химия пәнінен алған білімдерін толықтыру, шындау, бекіту және интеллектуалды деңгейін анықтау, ойлау және сөйлеу қабілеттерін дамыту болып табылады. Сайысты химия пәні оқытушысы Тұрсынбаева Нұрила Бахытқызы өткізді!
Сайыс тыңдаушылардың белсенді атсалысуымен өз деңгейінде жақсы өтті. Сайыстың қорытындысы бойынша ТК-9с-20-2 тобы 390 ұпай жинап басымдылықпен жеңіске жетті. Жеңімпаздарды шын жүректен құттықтаймыз!
