Гаджиева Аделя Русланқызы М. Қозыбаев атындағы СҚУ Foundation факультетінде 2020—2021 оқу жылында мемлекеттік білім грантымен күшейтілген тілдік дайындық бағытында білім алып жатыр.
Ол 2003 жылы 9 қыркүйекте Жамбыл облысы, Қордай ауданында дүниеге келген. Аделяның музыкаға деген қабілеті жоғары.
"Шынайы ұнататын ісіңмен шұғылданғанда керемет дем алып қаласың. Менің сүйікті ісімнің бірі — ән айту. Музыканы жан—тәніммен жақсы көремін. Ән айтқан кезде өзгеше сезімде боламын" —дейді талантты тыңдаушымыз.
Ол 2010 жылдан бастап сахынаға шыға бастайды. Көптеген жүлделі орындарға ие болған. Өнерімен еліміздің біраз қалаларын аралап, конкурстарға қатысқан. Сахынадағы алғашқы конкурсы да Меркі қаласында 2010 жылы болды. Аделя ұстазымен бірге хор ашып, екінші көшбасшы болып, кішкентай бүлдіршіндерге ән айтуды үйрете бастайды. Ән айтудан бөлек балалар мен бүлдіршіндерге әр түрлі мерекелерде аниматор болып, көңілдерін көтеруге де атсалысқан.
Аделяға бойындағы талантын шыңдауға — өнер жолында сәттілік тілейміз!
