2021 жылғы 7 сәуір күні «Практикалық қазақ тілі» кафедрасы ZOOM платформасында «ХХІ ғасыр көшбасшысы» атты интеллектуалдық ойынын өткізді. Ойынға «Практикалық қазақ тілі» кафедрасының оқытушылары мен М.Айтхожин атындағы №1 орта мектебінің 11 «Б» сынып оқушысы Токарева Лада және келесі факультеттердің студенттері: ТжӘИ – Пичугин Иван, ПФ – Акулина Елена, ТЭҚФ – Соловьев Евгений, ИСТФ – Симонов Денис қатысты.
Ойын 4 кезеңнен тұрды:
1 кезең: «Бәйге»
2 кезең: «Полиглот
3 кезең: «Кім жылдам?»
4 кезең: «Жорға»
Осы кезеңдерде ойыншыларға сұрақтар мен тапсырмалар берілді. Мысалы: кім тез жауап береді, жауапты үш тілде атау, сонымен қатар әр саладан күрделілігі бойынша әр түрлі сұрақтарды таңдап алып, соларға жауап беру немесе берілген уақыт ішінде сұрақтарға жылдам жауап беру сияқты тапсырмалар ұсынылды. Қазылар алқасы ойыншылардың жауаптарын ұпаймен бағалап, ойынның соңында жеңімпазды, яғни ХХІ ғасыр көшбасшысын атады. Ол – ТЭҚФ 1 курс студенті Соловьев Евгений (Ю-20-1 тобы).