Біздің білімгерлер ҚР мен шет елдердің ЖОО-да жоғары курс студенттері мен магистранттарына арналған халықаралық аудит стандарттары бойынша қашықтан өткен олимпиаданың жеңімпаздары атанды! Іс-шараны Е.А. Бөкетов атындағы Қарағанды университеті ұйымдастырды. Ол екі бағыт бойынша жүргізілді: тест тапсырмаларын орындау және есептерді шешу.
Қозыбаев университетінің «Экономика және есеп» кафедрасының студенттері жоғары нәтижелерге қол жеткізіп, құрмет тұғырын иеленді! Сонымен, Маргарита Шипилова бірінші, Елена Кулик – екінші, Самал Амангельдинова –үшінші орындарды жеңіп алды!
Тағы осындай жеңістерімен қуантқан бірқатар студенттер де бар. Л.Гумилев атындағы Еуразия ұлттық университетінде «Экономика» білім беру бағдарламасы бойынша білім алушыларға арналған республикалық пәндік олимпиада өтті. Біздің студенттер Екатерина Бурлакова, Екатерина Олефиренко, Санат Бауыржан жалпыкомандалық үшінші орынға ие болды!
Бұл биылғы оқу жылындағы экономикалық бағыттағы екінші пәндік олимпиада және екінші жүлделі орын. Желтоқсан айында өткен осындай зияткерлік сайыста «Экономика» ББ студенттері де ІІІ дәрежелі дипломмен марапатталды. Біз сіздерді шын жүректен құттықтаймыз! Алда талай жаңа жетістіктер мен сенімді жеңістер тілейміз!