Шараның негізгі мақсаты– төтенше жағдай туындаған кезде университет студенттері мен қызметкерлерінің дайындығын пысықтау. Студенттер дабыл түскен кезде жедел әрекет етіп, ғимараттан мүмкіндігінше дереу шығу керек екенін түсінулері қажет.
Оқу-жаттығу жоспарына сәйкес, өрт сағат 17.00-де №2 жатақхананың бірінші қабатында пайда болды. Дабыл жүйесі іске қосылып, жатақханның әрбір қабатына жауапты старосталар студенттерді эвакуациялап, құжаттары мен жеке заттарын ұмытып кетпеуді ескертті. Ал студенттер үйінің вахтері өрт ошағын анықтап, оның әрі қарай таралуына жол бермеді. Жатақханада 241 студент тұрады. 12 минуттың ішінде барлығы сыртқа шығып үлгерді.
Кейін старосталар тәрбие жұмысы департаментінің мамандары мен АҚ штабының жетекшісіне өрт шыққан кезде жатақханадан 150-ге жуық адам эвакуацияланғанын, ешкім зардап шекпегендігі жайлы баяндады. Осыдан кейін мамандар әр қабатты тексеріп, ғимаратта студенттердің қалып қалмауын анықтады.
Оқу-жаттығуға қатысушылар үшін эвакуация кезінде қауіпсіздік ережелерін сақтау бойынша алдын ала нұсқаулықтар өткізілді. Дәл осындай практикалық оқу-жаттығулар кезінде студенттер іс-қимыл алгоритмін түсініп, есте сақтауға мүмкіндік беріледі. Жыл бойы өртке қарсы оқу-жаттығулар басқа жатақханаларда да, сондай-ақ ЖОО оқу корпустарында өткізілетін болады.