Қоғам арасында жаңа мамандықтар тұжырымдамасын енгізу арқылы, білім алушыларды осы стандарттарға сай дайындау маңызды. Осы мақсатпен, «Үздіксіз білім берудің тұжырымдамасы мен жаңа мамандықтар атласы» атты қашықтықтан конференция ұйымдастырылды.Академиялық сауалдар жөніндегі Басқарма мүшесінің м.а. Жанар Таласпаева жиынды аша отыра, университетіміздің білім беру бағдарламаларына тоқталып өтті. Іс-шараның бас спикері ретінде: "BTS education" бас директоры Саясат Нұрбек жаңа мамандықтардың атласы жобасын ұсынып, атқарылған жұмыс барысымен, алдағы жоспарлармен таныстырды.
Үздіксіз білім беру тұжырымдамасының негізгі мақсаты-жүйені енгізу арқылы тұлғаның қалыптасуы мен дамуы ресми, бейресми және ақпараттық білім беру нәтижелерін тану арқылы үздіксіз білім беру оның әлеуеті мен бәсекеге қабілеттілігін дамытуға бағытталған.
Сондай-ақ, шарада жобаның маңыздылығы мен пайдасы туралы сөз қозғалды. Атап айтсақ, жаңа мамандықтар атласы бірқатар міндеттерді шешуді көздейді: студенттер үшін олардың қажеттіліктері мен қабілеттерін ескеретін оқыту үшін мүмкіндіктер жасау; өмір бойы қоғамда лайықты өзін-өзі жүзеге асыру үшін; кәсіби дағдылар мен құзыреттерді сертификаттау моделін құрастыру; орта мектептер үшін кәсіптік бағдарлау жүйесін құру; жаңа кәсіби стандарттарды әзірлеу үшін платформа құру және жоғары білім беру жүйесіне арналған оқу бағдарламаларын әзірлеу.
Жобаны іске асыру үшін 3 кезең қарастырылған. Әрбір кезеңді жүзеге асыру үшін белгілі уақыт аралығы көзделеді. Жалпы барлығы 28 базалық салалар ұсынылған. Оның ішінде биыл бірінші кезеңге 9 ауыр өнеркәсіп еніп отыр. Ал екінші кезеңге: әлеуметтік, мәдениет, ғылым және т.б салалар тартылады.
Қазіргі таңда аталмыш тұжырымдамамен «Хромтау тау-кен техникалық колледжі » «Ұшқышсыз ұшу аппараттарының операторы» модульдік эксперименттік бағдарламасы аясында жұмысын бастады. Колледж білім алушылары, осы бағытта оқыту үшін, оқу курстарынан өтіп , сертификатталды.
Отырысқа қатысқан қозыбаев университетінің қызметкерлері академиялық сауалдар жөніндегі мүшелері, магистранттардың бірінші екінші курстары ЖОО-ның оқытушылары конференция тақырыбына қатысты ғылыми тұжырымдарын, тың көзқарастарын ортаға салып, ойларымен бөлісті.
Конференцияны қорытындылай келе, алдағы уақытта біздің университетпен осы қарқындағы жобаларды әзірлеу жөнінде ұсыныстар енгізіліп, ұсынымдар берілді.
