Салтанатты шарада 6 ай бойы өзін-өзі дамытумен айналысқан Қозыбаев университетінің студенттері, магистранттары мен қызметкерлер қола медальмен марапатталды. «Nur Otan» партиясы Петропавл қалалық филиалы төрағасының бірінші орынбасары Кеңес Мұқышев жиналғандарды жеткен жетістіктерімен құттықтады.
Айта кетсек, «Елбасы медалі» жобасы жастардың кешенді дамуына арналған. Бағдарлама 7 негізгі бағыттан тұрады: «Таланттар мен дағдылар», «Спорт және физикалық даму», «Волонтерлік», «Кітап оқу», «Ұлттық мұра», «Экспедициялар мен жорықтар» және «Еңбек практикасы».
Жоба 3 деңгейде ұйымдастырылған, сәйкесінше қатысушылар қола, күміс немесе алтын медальға ие болады. Дегенмен әр кезең 6, 12 немесе 18 айға созылады. Осы уақыт аралығында қатысушыларға тәлімгерлер күнделікті тапсырмалар беріп, оның орындалуын бақылып отырады. Еліміздегі ең ауқымды челленджге 14 пен 29 жас аралығындағылар бақтарын сынай алады.
