Саяси қуғын-сүргін құрбандарына тарихи әділеттілікті қалпына келтіру мақсатында ҚР Президентінің Саяси қуғын-сүргін құрбандарын толық ақтау жөніндегі мемлекеттік комиссия туралы жарлығы шықты.
Оның құрамында ҚР Парламенті мен Үкіметінің өкілдері, ғалымдар мен қоғам қайраткерлері, соның ішінде Қазақстан халқы Ассамблеясы кафедрасының меңгерушісі Людмила Гривенная да бар. Барлық облыс орталықтарында, және қалаларда 11 республикалық және аймақтық жұмыс топтары құрылды.
Мемлекеттік комиссия өз жұмысын бастап, полиция департаментінің, ұлттық қауіпсіздік комитетінің және прокуратураның мемлекеттік және арнайы архивтерінде сақталған мұрағат құжаттарымен танысады. ҚР Президентінің саяси қуғын-сүргін құрбандарын толық оңалту жөніндегі міндеттері ұзақ мерзімге арналған. Бұл қызметке жалпы қоғам мен жастар тартылған.
ҚХА кафедрасы студенттерден құралған бастамашыл тобын құрып, олар Мемлекеттік комиссияның жұмысына қосылуға ниет білдірді. Қозыбаев Университетінің «Тарих» және «География-Тарих» білім беру бағдарламаларының 1 курс студенттері Солтүстік Қазақстан мемлекеттік архивінің материалдарымен жұмыс жасай отырып, оңалтуға жататын адамдар санаты туралы мәліметтер базасын құруға көмектеседі. Бұл тарихты бағалап, зерттеушілік дағдыларды қалыптастырады, жазықсыз сотталған адамдарды ақтау үшін маңызды .
