Медицина жоғары мектебі студенттерін даярлаудың маңызды бөлігі - кәсіби дәрігерлердің және өзге ЖОО-нан шақыртылған мамандардың жүргізетін дәріс сабақтары болып табылады. МЖМ-де жалпы 495 студент білім алады. Олар СҚО емдеу мекемелерінің базасында болашақ мамандықтарының практикалық негіздерін меңгереді.
Семестрде «Медициналық микробиология» пәнін үшінші курс студенттеріне Қарағанды медициналық университетінің оқытушысы, п.ғ.д., ККСОН доценті Найля Ахметова оқытты. Алдымен олар дәріс сабақтарына қатысып, кейін алған білімдерін зертханалық жұмыстармен жалғастырды. Алынған теориялық негіздерді студенттер Солтүстік Қазақстан облыстық көпсалалы ауруханасының кардиологиялық орталығында бекітті.
3-ші курс студенттері үшін «Микробиологиядан хирургияға дейін» атты интеграцияланған дәріс маңызды, әрі пайдалы болды. Оны Найля Ахметова және жоғары санатты дәрігер, Кардиоорталықтың рентгендік эндоваскулярлық хирургия және сәулелік диагностика бөлімінің бастығы, сондай-ақ, МЖМ клиникалық пәндер кафедрасының оқытушысы Дмитрий Тё жүргізді.
Дәріс екі пәнді біріктірді - «Медициналық микробиология» және «Жалпы хирургия». Шара барысында хирургиялық спефификалық инфекция және оның пайда болу себептері, клиникасы, гангренаның таралу механизмі, сонымен қатар, оны емдеу және алдын алу жолдары сынды тақырыптарға баса назар аударылды. Мұндай форматтағы іс-шаралар болашақ дәрігерлерге белгілі бір патологияны терең зерттеуге, оны емдеу және алдын-алу шараларымен байланысты туындаған қиындықтарды шешуге мүмкіндік береді.
