Самал "Есеп және аудит" білім беру бағдарламасы бойынша білім алады. Нұрсұлтан Назарбаев Қорының стипендиясын алуға арналған конкурсқа қатысуға бел буған бойжеткен, жоғары оқу орнындағы іріктеуден, содан кейін республикалық турдан сәтті өтті. Онда ол білім беру, ғылыми және тәрбиелік іс-шараларға, республикалық, аймақтық және университет деңгейінде қатысқаны үшін марапаттары мен грамоталары бар портфолиосын ұсынды. Нәтижесінде Самал Амангелдинова Нұрсұлтан Назарбаев Қорының шәкіртақысына ие болды.
Айта кетсек, студенттер арасында байқау жыл сайын өткізіледі. Стипендиялар дербес болып табылады, яғни екі оқу семестрінде төленеді. Мұндай шәкіртақыға кемінде екі оқу курсын сәтті аяқтаған, академиялық үлгерімі жоғары, университет қабырғасындағы қоғамдық, ғылыми-зерттеу және практикалық қызметінде белсендік танытқан білімгерлер үміткер бола алады.