«UniQ»- осындай атаумен университеттің кампусының аумағында «Sanaly Urpaq» жобалық кеңесінің қолдауымен студенттерге арналған квест ұйымдастырылды. Оған әр факультеттен 5 адамнан құралған 7 команда қатысты. Капитандарға барлық оқу корпустарын қамтитын арнайы қызықты тапсырмалары бар карталар берілді. Жасырылған жұмбақтарда білім алушылар академиялық адалдық, парасаттылық және әділдік пен әділеттілік ұғымдарымен таныс болды.
Екі турдан тұрған квесттің алғашқы кезеңінде қатысушылар академиялық адалдық ережелерін бұзуға байланысты ситуациялық тапсырмаларды орындап, видео- сұрақтарға жауап берді. Сонымен қатар, қазақ халқының классиктерінің шығармаларынан адалдық, парасаттылық туралы мақал-мәтелдерін табу қажт болды. Ақырғы кезеңде сыбайлас жемқорлыққа қарсы сахналық сот процессі өтті. Мұнда команда капитандары сот отырысына қатысушылар мен сот қызметкерлерінің рөлдерін сомдайалды.
«UniQ» квесттің қорытынды нәтижесі бойынша Медицинаның жоғары мектебі «Адреналин» командасы 3 орынға ие болып 15 000 теңге көлемінде ақшалай сыйлық пен марапатталды. Агротехнологиялық факультет атынан қатысқан «Антикорупционеры» командасы 2 орынға жайғасып, 25 000 теңгені ұтыпалды. Үздік нәтиже көрсете білген Тарих, экономика және құқық факультетінің «Антикор» командасы жүлделі 1 орынды иеленіп 35 000 теңге көлеміндегі сыйақыға кенелді.
Осылайша, біз Уәлиханов атындағы Көкшетау университеті мен Сыбайлас жемқорлыққа қарсы агенттігі бастаған «AntiParaCraft» республикалық квестіне қосыламыз.
