28 сәуірде факультет студенттері үшін Петропавл қаласы ТЖ басқармасының қызметкері, аға инженер - Даниэль Саркисянмен кездесу ұйымдастырылды. Іс-шараның мақсаты білім алушылардың Төтенше жағдайлар және олардың жанындағы іс-қимыл тәртібі туралы білімдерін қорытындылау, ТЖ-да дұрыс әрекет ету біліктіліктерін дамыту, өзін-өзі тәрбиелеу дағдыларын, ұйымшылдықты, өз күшіне деген сенімділікті тәрбиелеу және оған мұқтаж адамдарға көмектесуге ұмтылу. Кездесу қызықты және танымды өтті. Даниэль Саркисович студенттерге қоғамдық орындарда, жатақханаларда Төтенше жағдайлар туындаған кезде қауіпсіздік шаралары мен азаматтық тұлғалардың іс-әрекеттері туралы айтып берді, студенттерге өрт қауіпсіздігі ережелерін сақтаудың маңыздылығын, сондай-ақ төтенше жағдайдағы мінез-құлық алгоритмін еске салды.
