Жоғары оқу орнында сертификатталған оқыту орталығын ашу үшін «1С» фирмасының грантын жеңіп алды. Бүгінгі таңда бағдарламалық жасақтама сатып алынды. Университет оқытушылары арнайы 1С қайта даярлаудан өтіп, оқыту-әдістемелік орталықта оқу курстарын енді сертификатталған оқытушылар жүргізетін болады. Сонымен қатар, өңірдегі тәжірибелі бухгалтер мамандарына да арналған арнайы тренингтер өтіп тұрмақ. Орталықта экономикалық бағыттағы студенттер тегін білім алады.
Экономика ғылымдарының кандидаты Майра Валиеваның ойынша: «Бұл Қазақстандағы алғашқы оқу орталығы. Біріншіден, бұл біздің түлектерге еңбек нарығында бәсекеге қабілетті маман атануға мүмкіндік береді. Екіншіден, университет оқытушылары тәжірибеге бағытталған білімдерін жетілдіреді. Олар заңнамадағы барлық өзгерістерді біліп, осы бағытта толық жұмыс жасайтын болады. Біздің орталыққа тек студенттер ғана емес, сонымен қатар мұғалімдер немесе қаламыздың кез-келген азаматы оқу курсын меңгере алады».
Студенттер тек экономикалық мамандық бойынша ғана емес, біздің университеттің басқа мамандықтарынан білімдері мен тәжірибелерін жинақтай алады. Сертификатталған оқу орталығында курстан өткен барлық тыңдаушылар «1С» фирмасының куәлігіне ие болады. Өз кезегінде бұл оларға болашақта жұмысқа орналасу мүмкіндігін береді. Енді оларға қосымша курстардан өтудің қажеті болмайды.
Өйткені, олар: әр түрлі салалардағы кәсіпорындардағы бухгалтерлік есепті автоматтандыру, қаржыны басқаруға арналған өнімдерді зерттеу , бухгалтерлік есеп жүргізумен толықтай таныс болады. «1С» компаниясының жеке жобалары «1С:Кәсіпорын» жүйесінің бағдарламалары, сондай-ақ, үй компьютерлері мен білім беру саласына арналған өнімдері танымал. Орталықтың ашылуына Мәскеу және Нұр-сұлтан қалаларынан «1С» компаниясының ресми өкілдері, университет қызметкерлері және оқытушы құрамы қатысты.
